Cacia’s POV
“Ang saya ko na ngayon, alam mo ba ‘yon, Cacia?”
Napatingin ako kay Kuya nang sabihin niya ‘yon. Nandito kami sa swimming pool ngayon. Kaming dalawa na lang ang natira dito kasi maagang nilamig ang kambal, pati na rin si mama kaya bumalik na sila sa beach house.
“Bakit, dahil ba nag-out of town na tayong pamilya ngayon?” tanong ko sa kaniya pero umiling siya.
“Hindi dahil doon,” sagot niya. “Alam mo kasi, Cacia, ngayon ko lang ito sasabihin sa iyo. Nitong mga nagdaang buwan, may mga problema rin akong tinatago sa inyo. Sorry kung ngayon mo lang malalaman ‘to. Saka, hindi naman din kasi ako sanay na nagsasabi ng problema sa inyo. Saka, ngayon lang ‘di ba ulit tayo naging magka-close?”
“Oo, so, anong problema ba ‘yan? Atat na akong malaman kaya sabihin mo na,” pagmamadali ko
