Chapter 10
“Ngunit huwag mong hahayaan na lamunin ng galit ang iyong puso kilanman, Sayah. Palagi mong piliin maging mabuti kahit na puro kasamaan ang iyong nasa paligid.”
Naimulat ni Sayah ang mga mata. Inilibot niya ang paningin sa kabuuan ng silid kung nasaan siya. Hindi pamilyar ang lugar at hindi ganoon ang itsura ng kanyang silid.
“Nanay? Nasaan—“
Natahimik siya nang maalala ang nangyari sa pamilya. Tiningnan ni Sayah ang mga kamay, may maliliit na sugat doon. Nang maalala ang kwintas na binigay sa kanya ng kanyang ina ay kinapa niya ang leeg.
Napabuntong hininga siya nang masalat niya ang kwintas doon. Inilabas niya iyon at tinitigan.
“Hindi pa rin ako makapaniwala hanggang ngayon,” sabi ni Sayah.
Bumaba ng kama si Sayah at inayos ang kumot at unan na kanyang ginamit. Mal
