Chapter 11
“Ito na ang magiging bago mong tahanan, Sayah,” sabi ni Zico, “Maligayang pagdating sa Vantress!”
Napatingin si Sayah sa paligid. Maraming mga bata ang nag-eensayo at mayroon ding mga may edad na. May mga nagtuturo kung paano ang tamang pwesto at ang iba naman ay nagtuturo ng mga bagong galaw.
“Ito ang Vantress, ito ang tahanan ng mga vampire hunters,” sabi ni Zico.
Nang maglakad ito ay sumunod kaagad siya. Napapatingin sa kanya ang ibang mga bata na nag-eensayo habang si Xen na nasa likod niya ay tahimik lamang na nakasunod sa kanila.
“Gaano katagal ka nang naninirahan dito, Zico?” tanong ni Sayah.
Nilingon siya sandali ni Zico at pagkatapos ay ngumiti. Itinuro nito ang itaas at napatingin siya roon. Nakita ni Sayah ang iba’t-ibang mga bandana at sa bawat bandana ay may
