Chapter 78
Maagang nagising si Sayah at Uzni kinaumagahan kahit na hatinggabi na silang natulog. Nalasing ng sobra si Jika at Zico at hindi kaagad sila nakatulog dahil sa mga ito. Galit na galit si Uzni dahil nagkalat pa ang mga ito sa kainan at nahiya silang ipalinis pa ang kalat kay Banjo kaya’t sila na ang gumawa.
Ilang beses ding sinipa at sinuntok ni Uzni si Jika na nawalan ng malay dahil sa kalasingan. Siguradong masakit ang katawan ng lalakeng iyon ngayon.
“Sariwang mga prutas at gulay! Halina kayo!”
“Basket, basket! Gawa pa ito sa kahoy ng aliberez! Matibay na matibay!”
“Halika na kayo rito! Maraming mga magagandang dating na mga kasuotan at sapatos!”
Naglalakad ngayon sila ni Uzni at namamasyal, hindi naman mataas ang sikat ng araw at tama lamang. Marami ring tao ngayon k
