Chapter 81
“Sino itong mga batang kasama mo, Sayah?”
Iyon ang itinanong sa kaniya ni Uzni nang makita niya ito sa isang bilihan ng mga damit sa bayan ng derata. Pabalik na sana siya kasama si Laris at ang mga kapatid nito nang makita niya si Uzni na namimili pa rin ng mga damit. Napahawak pa siya sa kaniyang noo, ganoon pala si Uzni kapag namimili, halos buong bayan ay naiikot nito para lamang makakita ng mga nais nitong damit at mga sapatos.
“Ito...” sabi ni Sayah at inakbayan si Laris.
“Ito ang kumuha ng pang ipit ko, pero humingi naman na ng tawad.” Sabi niya.
Napataas lamang ang kilay ni Uzni sa kaniyang sinabi. Ang mga mata nito ay nasa mga tinitinda. Nasa dalawang oras na ang nakakalipas ngunit hindi pa rin ito tapos mamili.
“Hanggang ngayon ba ay namimili ka pa rin?” tanong
