Chapter 36
“Mukhang hindi natatahimik ang vantress nitong mga nakaraang araw ah?” sabi ni Kizo.
Tahimik lamang si Sayah pati na ang iba. Ang nag-uusap lamang ay sina Zico, Uzni at Driz pati na si Kizo. Katabi niya sa kanan si Pika at sa kaliwa naman ay si Xen. Parehas na tahimik ang mga ito at hinihintay ang susunod na mangyayari.
“Itong pangyayari na ito kanina ay sino ang maaaring magsalaysay sa akin?” tanong ni Kizo.
Dahil nakaupo sina Zico, Uzni at Driz sa sa harap ng lamesa ni Kizo ay napalingon ang mga ito sa kanila na nasa likod at hinihintay ang maaaring mangyari.
“Sa tingin ko ay si Achipika na lamang ang magkuwento,” sabi ni Zico.
Tumingin si Pika sa kaniya. Nakikita niya ang kaba sa mukha nito.
“S-Sige po,” sabi nito.
Naglakad si Pika palapit sa mga ito. Sila naman ay
