Hindi naman sa naninibago ako pero literal na walang pumansin sa akin pagpasok ko ng classroom. Maingay ang takong na suot ko pero hindi man lang sila nag-abalang tingnan ako. Babae pa lang naman ang naabutan ko pero hindi ko in-expect na walang bulungan na magaganap.
Ang grupo ni Nica ay tahimik lang na nag-uusap. Wala pa ang leader kaya siguro wala pa silang panahon para balingan ako ng atensiyon.
Iyon naman ang hinahangad ko noon pa pero parang hindi yata sanay ang tainga ko na walang naririnig sa kanila. Maski nang makaupo na ako sa puwesto ko ay wala talagang nangyari. Umasa pa ako na babalikan nila ako dahil sa ginawa ni Levine nang nakaraang Biyernes.
“Good morning, may nakaupo ba dito?”
Napaangat ang tingin ko sa lalaking hindi pa nga ako sumasagot ay inanyayahan kaagad ang s
