"ARE you avoiding me, Laura?"
Napatigil si Laura sa ginagawa nang marinig niya ang tanong na iyon ni Jake nang lapitan siya nito.
Hinarap naman niya ito sa kanyang gilid at napansin niya ang bahagyang pagkunot ng noo nito habang nakatingin sa kanya.
"Ha?" tanong naman niya.
"Iniiwasan mo ba ako?" ulit na tanong nito sa kanya.
"Bakit naman kita iiwasan, Jake?" balik tanong naman niya kahit na iyon ang totoo. Hindi lang kasi niya ma-deretso ang lalaki na iniiwasan niya ito dahil baka mag-away naman ang magpinsan. Iniiwasan iyon ni Laura na mangyari.
Tinanggap kasi niya ang gustong mangyari ni Draco na huwag niya itong kausapin para hindi na ito mandamay pa ng iba sa paghihiganti nito. At iyon ang ginagawa niya nitong nakaraang araw. Kapag napapansin niyang lalapit ito sa kanya ay
