PASIMPLENG sinulyapan ni Laura si Draco nang makita niya ang pagbaba nito ng kotse ng ihinto ng driver ang minamaneho nito ng makarating silang dalawa sa mansion sa Hacienda Abriogo.
Gaya ng sinabi ni Draco sa doctor noong nasa ospital pa sila ay nanatili pa sila doon ng dalawang linggo para ma-check siyang mabuti. At sa dalawang linggo na iyon ay hindi umalis si Draco sa tabi niya.
Kahit na pinapakitaan niya ito ng cold treatment. Kahit na halos sungitan ito ni Margarette nang bisitahin siya nito sa ospital. Wala siyang sinabi sa kaibigan na naroon siya. Nagulat na lang siya ng bigla itong nagpunta sa ospital. At doon niya nalaman na si Draco pala ang nag-imporma dito na nasa ospital siya. Tinawagan pala ito ni Draco na naroon siya sa ospital.
At kahit na hindi niya ito iniimik ay m
