HI#27
PABILING-BILING lang si Jenina sa kanyang kama. Malalim na ang gabi pero heto pa rin siya, dilat na dilat pa rin ang mga mata. Hindi pa rin kasi siya makapaniwalang si Señorito Drake ang sub-teacher nila sa Mathematics.
Ano’ng ginagawa nito rito? Bakit pumasok ito bilang sub-teacher at sa school pa na pinapasukan niya? Sa pagkakaalam naman niya, businessman ito at hindi teacher ang profession nito. Sinusundan ba siya nito?
“Ah!! Jenina, nag-a-assume ka na naman.” aniya sa sarili, bumangon siya at nakayukong sinabunutan niya ang sarili. Her mind was confused. Is it all just a coincidence?
Naalala niya kung paano siya titigan kanina ni Senorito Drake. Saglit lang iyon dahil nagkagulo na ang mga classmates niya lalo na ang mga babae. Kung anu-ano na rin ang ibinabato na mga tanong
