HI#29
ANONG ginagawa ni Señorito Drake dito? Paano nito nalaman kung saan siya nakatira? Nagpalipat-lipat ang tingin niya sa kanyang Papa at kay Señorito Drake. Parang matagal nang magkakakilala ang mga ito.
“Hija, Jenina meet Drake Rafael, my wife’s nephew.” Nakangiting sabi ni Papa sa kanya na malakas niyang ikinasinghap.
Pamangkin ito ni Tita Elise?
“Hi, it’s nice meeting you, Nina.” Pormal ang boses na sabi nito.
Nakita niya itong naglakad papalapit sa kanya at agad na inilahad ang kanang kamay nito sa harap niya nang tuluyan na itong makalapit sa kanya.
Napakurap-kurap siya, nagdadalawang-isip kung tatanggapin ba niya ang pakikipagkamay nito sa kanya.
Pero nang maisip niyang nakatingin sa kanila ang Papa Carlito niya ay napilitan tuloy siyang tanggapin iyon.
Her heart almos
