Tahimik na pinapanood ni Brent si Diva habang kumakain ito sa lamesa ng mag-isa.
Gusto niya sana itong sabayan kaya lang naaalibadbaran daw ito sa pagmumukha niya.
Hangga't maaari ay dumistansiya raw muna siya dahil sobra-sobra raw ang inis nito sa kaniya.
"Hindi mo ba siya lalapitan?" Nilingon niya si Nicholai nang magsalita ito sa likuran niya.
"She doesn't want to see my face. She's badly mad at me," malungkot niyang tugon sa kaibigan niya.
"Because you're an asshole."
"I know."
"So, anong plano mo ngayon? Huwag mong sabihin sa akin na tatayo ka na lang dito at panonoorin siya?"
"Susuyuin ko siya tapos aalukin ko nang kasal. Bakit parang mas atat ka pa kesa sa akin? Wala ka bang ibang gagawin ngayon at pinapakialaman mo ang diskarte ko?"
"Ayaw niya na nga sa 'yo, eh. Kawawang
