Namulatan ni Diva na natutulog sa tabi niya si Brent.
Nakadantay ang kanang kamay nito sa umbok ng tiyan niya.
Mayamaya pa ay sumiksik ito sa leeg niya habang nakangiti.
Napabuga siya ng hangin nang mapagmasdan ang mukha nito. Kapansin-pansin rin ang pangangalumata nito.
Hindi niya alam kung makakaramdam siya ng awa o inis sa lalaki. Hindi niya kasi alam kung ano ang dahilan ng pangangalumata nito.
Puyat ba ito sa pag-iisip sa kanilang mag-ina o puyat ito dahil sa kagagawa ng milagro?
Parang gusto niya itong sapakin kung 'yong pangalawa ang dahilan nito.
Gusto niya sana itong gisingin kaya lang hindi naman siya masamang tao para gisingin ito sa mahimbing nitong pagkakatulog para lang awayin niya.
Magtutuos silang dalawa ni Brent sa oras na magising ito. Kahit naman kasi may ka
