"Ate, happy birthday!"
"Happy Birthday, Mommy!"
Napabalikwas si Diva ng bangon dahil binati siya nina Bryce at Danica sa pasigaw na tinig.
"Nakakagulat naman kayong dalawa!" Bigla niya tuloy naramdaman ang pagpitik ng mga ugat sa sentido niya.
"Happy birthday and I love you, Mommy," nakangiting bati sa kaniya ni Bryce sabay halik sa pisngi niya.
"Thank you, Baby!" Niyakap niya ito at pinupog niya ito ng halik sa pisngi nito.
Naagaw lang ang atensiyon niya nang tumikhim ng malakas si Danica. "Happy birthday, Ate," bati nito sa kaniya.
Ibinuka niya ang mga braso niya at sinenyasan niya itong lumapit na agad naman nitong sinunod. "Thank you, Bunso. Nasaan nga pala si Mama?"
"Nandoon po si Lola sa kusina, Mommy. Kausap niya po sina Ninong Nicholai, Ninong Genesis at si Daddy po," sa
