"Kuya!" Napalingon si Brent kay Chloe nang tawagin nito ang pangalan niya. "Hinahanap ka ni Lyneth sa akin kaya kailangan mong magtago!" Nakabusangot pa ito habang papalapit sa gawi niya.
Ang aga-aga pero nandito na naman ang kapatid niya.
Alam niya naman na hinahanap siya ni Lyneth dahil nasabi na sa kaniya ni Mang Pilo.
Kagaya ng kapatid niya ay ayaw rin ng matanda kay Lyneth dahil bukod daw sa maarte ang babae ay ambisyosa pa ito.
"Bakit naman ako magtatago?" tanong niya habang nakatayo sa gilid ng bahay niya at nakamasid sa malawak na palayan na pag-aari niya.
"Dahil siguradong pupuntahan ka ng babaeng 'yon dito sa bahay mo! I know that girl, Kuya! Aakitin ka no'n at pagkatapos ay mangyayari na sa inyo! Ayaw kong magkaroon ng pamangkin tapos si Lyneth ang nanay. I don't like eve
