⑅✷⑅XANDER⑅✷⑅
Kinabukasan, sabay-sabay na nagising ang tatlo nang tumunog ang alarm clock. Umaga na at ang sarap ng tulog nilang tatlo buong magdamag.
""Good morning!"" bati ni Xander sa dalawa habang pupungas-pungas ang mga itong bumangon.
""Morning po,"" ani Rap-Rap at naghanap kung saan banda ang banyo dahil naiihi na ito.
""Dito, 'nak."" Iginiya ni Ella ang anak sa banyo ni Xander.
Habang nasa banyo pa ang dalawa ay inayos muna ni Xander ang kaniyang kama. Pakiramdam niya ay parang lumulutang siya sa hangin ngayon. Kompleto naman ang kaniyang tulog at nakainom naman siya ng kaniyang vitamins ngunit pakiramdam niya ay sobrang tamlay niya. Siguro dulot ng lungkot na naiisip niya dahil uuwi na ng probinsya ang batang nagbigay-saya sa kaniya nitong nga nakaraang araw.
Napahilamos ng d
