⑅✿⑅ELLA⑅✿⑅
Napatayo si Ella at naglibot-libot muna saglit sa kabuuan ng opisina ni Xander. Ang tagal kasing bumalik nito galing sa opisina ni Noelyn kaya't nababagot siyang mag-isa roon. Nagpalakad-lakad na lang siya at tumitingin-tingin sa bawat mga bagay na naroon.
Isang bagay ang nakakuha ng kaniyang atensiyon kaya't kaniya itong nilapitan. Agaw pansin kasi sa kung sino mang taong papasok sa opisinang iyon ang isang portrait painting. Hindi dahil sa malaki iyon na nakasabit sa dingding kundi dahil sa isang babaeng maganda ang masisilayan doon.
""Sobrang ganda niya!"" mahinang pagpuri ni Ella.
Hindi pa man niya nakikita nang personal ang babaeng iyon ngunit alam niya kung sino ito. Walang iba kundi ang kinikilalang ina ni Xander na si Mrs. Katrina Angela Villaruiz–Monteverde. Maliban
