⑅✷⑅XANDER⑅✷⑅
Hindi mabura-bura ang saya sa mukha ni Xander. Simula kaninang pagdating niya galing sa pagsundo kay Ferra hanggang sa kumain sila ng hapunan ay nag-uumapaw na kaligayan ang kaniyang nadarama. Bukod sa kaniya ay may mga tao ring masaya ngayon dala ng pagbabalik ni Ella. Syempre, iyon ay kaniyang mga tiyuhin at tiyahin, mga pinsan, kapatid at bayaw na alam na ang balitang bumalik na si Ella sa kaniya at dala-dala ang panibagong biyaya sa kanilang pamilya.
Ang pagbubuntis ni Ella ang naging isang malinaw na paliwanag kung kaya’t walang maraming usisa na naganap. Ngayon ay masasabi niyang malinaw na ang pag-asa sa pagitan nilang dalawa ni Ella.
""Xander...""
Narinig niya ang mahinang boses ni Ella habang ito ay nasa banyo sa loob ng kaniyang kwarto. Magpapalit si Ella ng da
