⑅✿⑅ELLA⑅✿⑅
Pagmulat ng mga mata ni Ella ay puting kisame ang bumungad sa kaniya. Pagbaling niya ng tingin sa kaniyang tagiliran ay kulay berdeng kurtina ang kaniyang nakita.
""Thank god!""
Rinig ni Ella na may nagsabi niyon ngunit hindi niya alam kung sino. Rinig pa niyang may tumawag sa nurse na boses lalaki at inimpormang gising na ang binabantayang pasyente.
Matamlay ang pakiramdam ni Ella at nanunuyo ang kaniyang lalamunan. Base sa pagkarinig niya na may tumawag ng nurse ay nabatid na ni Ella na nasa hospital siya. Dahil doon kahit wala man siyang lakas ay sinubukan niyang bumangon at may mga brasong nagpigil sa kaniya.
Nang tingnan niya kung kaninong braso iyon ay nagsalubong ang kanilang mga mata. Si Xander iyon at ang galit nitong mukha kanina ay napalitan ng labis na pag-aalal
