“Napakaganda mo, ija! Hinding-hindi talaga kami nagkamali na pasalihin ka sa pagsayaw sa binibini!” masayang sambit ni Aling Wenky kay Ashleigh habang pinagmamasdan ito.
Maliit naman na ngumiti si Ashleigh sa ginang dahil sa pagpuri nito sa kanya.
“Oo nga po, Ate Belle. Ang ganda-ganda niyo po! Para po kayong buhay na barbie! At isa pa ay bagay na bagay po talaga sa inyo ang suot ninyong dress na iyan!” sambit at puri naman ni Tonya sa kanya.
Ngayong araw na ang pista sa kanilang baryo at ilang oras na lang ay magsisimulang ganapin na nga ang pagligsahan sa pagsayaw sa binibini, na nakaugalian nang itanghal sa kanilang baryo taon-taon sa araw ng kanilang pista.
At ngayon nga ay naririto si Aling Wenky sa bahay ni Mang Gener, kasama ang isang bakla na siyang nag-ayos at naglagay ng make
