“Ay, talaga ba, ija? Gusto mong sumali?” masayang tanong ni Aling Wenky kay Ashleigh habang inihahanda nito ang isang notebook at ballpen. “Ililista ko na ang pangalan mo.”
“Opo, gusto ko pong sumali,” tugon naman ni Ashleigh saka siya marahang bumalin ng tingin kay Mang Gener, na tila humihingi siya ng pahintulot mula sa matanda.
“Ija, sigurado ka ba diyan sa gusto mong gawin?” alalang tanong naman ni Mang Gener sa kanya na mabilis niyang tinanguan bilang pagtugon.
“Opo, lolo. Sigurado po ako dahil gusto ko po talagang sumali,” sagot niya sa matanda.
“Pero hindi ka naman kasi taga-rito,” pagkuwan ay singit ni Rowena habang may mataray na itong tingin sa kanya.
“Pwede naman siyang sumali kahit na hindi siya taga-rito. Hindi naman kami mahigpit pagdating doon,” tugon ni Mang Kanor kay
