AGAD na nanuyo ang lalamunan ni Portia dahil sa sinabing iyon ni Vincent.
Kung totoo ang sinasabi nito na iyong kanina na ginawa nila ay intermission number pa lang, paano nalang ang mga susunod pa?
Alam niyang hindi titigil si Vincent hangga't hindi nito nakukuha ang gusto dahil katulad narin ng sinabi nito kanina, negosyante ito, kaya nasa katangian talaga ng kaniyang asawa ang ganoon. Hindi madaling mag-give up.
"Paano kung sabihin ko sa iyo na may naiwan akong karelasyon sa America? Anong gagawin mo?" sa huli ay labis na pinagsisihan rin ni Portia ang sinabi niyang iyon.
Para siyang hindi nag-iisip.
Dahil lang sa galit siya kay Vincent ay gumawa o nagsalita na naman siya ng isang bagay na hindi niya dapat na sinabi. Pero nang makita niya sa mukha ng asawa niya ang matinding pag
