Ilang sandali na ang lumipas ngunit hindi pa rin bumabalik si Janus sa kanyang silid. Hindi n’ya maipaliwanag ang kabang kanyang nararamdaman. Parang lalabas na sa kanyang katawan ang kanyang puso dahil sa lakas ng t***k nito. Nag-aalala s’ya para kay Janus. Baka may nangyari nang masama dito.
Hindi rin naman n’ya maaasahan ang mga kaibigan n’ya dahil nahihimbing na ang mga ito sa pagtulog. Gusto n’yang makalabas sa kanyang silid upang matulungan si Janus sa kung ano man ang nangyayari.
Idinikit n’ya ang kanyang tainga sa pintuan. Nagbabakasakaling may marinig s’ya at para makakalap ng kahit kaunting impormasyon. Bigla na lang s’yang tumilapon ng bumukas ang pinto.
“Indira!” Gulat na sigaw ni Janus at tinulungan s’yang makatayo.
Sinipat s’ya nito upang tingnan kung may napinsala ba sa
