CHAPTER FIFTY-EIGHT
Feonna’s pov
HANGGANG ngayon ay wala pa rin siyang balita sa dalawang babae na bigla na lang nambugbog sa kanya. Gusto niyang pagbayarin ito pero ang mas lalong nagpapagalit sa kanya ay ang balitang natanggap niya mula kay Rafael.
Nasalisihan lang naman ito ni Sue. Kung bakit ba kasi tatanga-tanga kahit pa mahigpit ang kanyang bilin na bantayan si Sue at samahan sa lahat ng lakad nito. Natitiyak niyang may kinalaman si Sue kung bakit nakabenda ngayon ay kanyang mukha.
Napatingin siya sa salamin. Tinahi ni Dr. Nian ang kanyang mukha. Oras na gumaling ang kanyang sugat ay magpaparetoke siya kaagad. Hindi pwedeng magmukha siyang katawa-tawa sa mga tao. Hindi niya magawang lumabas dahil sa kanyang kalagayan. May saklay rin siya kapag naglalakad dahil sa n
