Feonna’s pov
HINDI MAPIGILANG hindi mapangiti ni Feonna nang malaman niyang sarado na ang club ni Genelyn. Si Rafael naman ay palagi na lang sa bahay at hindi na lumalabas. Nang minsan niya itong dalawin ay walang ginawa kundi ang uminom. Hinayaan niya lang ito, bibigyan niya ito ng panahon para makapag-move on.
Isang subok niya pa lamang sa dalawa ay bumitaw na kaagad si Genelyn. Kapag pera nga naman kumilos. Mabilis pa sa alas kwatro ang resulta. Hindi niya na kailangan pang magpakahirap.
Naalala niya ang pag-uusap nila ni Genelyn.
“Anong ginagawa mo rito?” mataray na tanong sa kanya ni Genelyn nang sadyain niya ito sa mismong bahay nito. Hind yata nito inaasahan ang kanyang pagdating. Isang araw pa lang na sarado ang club nito ay mukha na itong miserable. “Kulang p
