Feonna’s pov
HINDI namalayan ni Feonna na gising na pala si Winston at kanina pa siya pinagmamasdan. Ngumiti siya sa lalaki. Inalis niya na ito sa ospital dahil stable na rin naman ito ayon sa doctor nito. Dinala niya ito sa bahay na binili niya. Nag-aalalang lumapit siya sa lalaki. Hinaplos niya ang mukha nito. Hindi niya pa ito nakakausap pero sa tuwing na nagigising ito ay pangalan niya ang hinahanap kung kaya hindi siya halos umaalis sa tabi nito. Gusto niyang makasiguro na hindi nito naalala si Sue.
“May masakit ba sa’yo?” tanong niya kay Winston.
Nakatitig si Winston sa kanyang mukha. Nagtataka siguro ito dahil may band-aid pa rin ang kanyang mukha. Ayaw niya sana na makita siya sa ganoong ayos pero wala siyang magawa lalo pa at ayon sa bantay nito ay hinahanap siya
