Gulat na gulat si Lucas nang marinig ang sinabi ko. Sinisikap niyang makapagsalita ngunit tila walang lumalabas sa bibig nito. Ramdam ko ang matinding konsensya sa aking puso habang pinagmamasdan itong hindi magkanda-ugaga sa kinauupuan niya.
“W-What did you say?” Iyon ang unang mga salita na lumabas sa kanyang bibig. I took a deep breath and chuckled softly.
“Sinasagot na kita, Lucas.” Sa pagkakaulit kong iyon ay tila natauhan siya at nakumpirma niya ang narinig niya kanina. Akala siguro nito ay namali lang siya ng rinig o kung ano man.
“S-Seryoso ba, Eva? Mahal mo na ko? Teka nabibigla ako,” wika nito.
“Ayaw mo ba? Gusto mong bawiin ko?” Kaagad itong umiling. Unti-unting umusbong ang maliligayang ngiti sa kanyang mukha. Nagliwanag din ang mukha nito at talaga namang kitang-kita ang
