Binitawan nito ang dala niyang gamit at kaagad na lumapit para yakapin ako. Nagtama ang tingin namin ng sa tingin ko ay ang kambal ko na si Ali. Napanganga ito at halos mabitawan ang lechong manok na dala niya. Mabuti na lang ay nakuha iyon kaagad ni Elianna.
Humiwalay sa akin si Papa at tinitigan ang mukha ko. Tila hindi ito makapaniwala na nasa harapan na niya ako. Muli niya akong niyakap at pinugpog ng halik sa ulo. Nakita ko ang pamumula ng mata nito at ang labis na ligaya sa mukha nito. Hindi ko napigilang mapaluha.
“Ang anak ko... kay gandang dalaga! Sa wakas at nakita rin kita ng malapitan. Sa wakas, nahawakan din kita at nayakap. Ilang taon naming hinintay na dumating itong oras na ito,” nanginginig na sabi nito.
“A-Alena...” wika ni Ali. Ngumiti ako sa kanya. Humiwalay sa akin
