“Huwag na muna nating ituloy ang kasal.”
Tumingin ang lahat kay Eeya na nakaramdam kaagad ng takot sa matalim na tingin sa kanya ng lahat lalo na ng kanyang mga magulang.
"Hindi ako tumatakas sa pinili kong desisyon. Gusto ko lang na bago ako maikasal kay Landon ay buo ang pagkatao ko at walang maiiwan sa nakaraan ko."
Mabilis na lumapit ang kanyang ina na hinila ang kanyang nanginginig na kamay. "Ano na nan ba itong kagagahang pumapasok sa isip mo? Nagdadahilan ka pa!"
Mabilis na inangat ng ginang ang kanyang kabilang kamay na kanyang isasampal sa anak ngunit agad iyong napigilan ni Landon. "Tama na po."
Tumigil ang ginang sa kanyang nais gawin at binawi ang kamay sa binata. "Hindi ko na naiintindihan kung saan nanggagaling ang katigasan ng ulo ng anak ko. Ikaw na lam
