Halos hindi magawa ni Eeya na matignan si Landon nang makalabas ang dalawa sa templo. Lumilipad pa rin ang kanyang isip sa kasunduang sinasabi ng binata patungkol sa kanilang dalawa.
“Ngayong malakas na ako. Hindi ako matatalo ng kahit na anong elemento, kahit siya pa ang pinakamalakas sa kanilang mundo,” ani Landon nang magsalita ito sa gitna ng katahimikan ng paligid.
Hindi mawari ni Eeya ngunit si Isagani ang unang pumasok sa kanyang isipan. Napalunok na lamang ang dalaga na hindi na nagawa pang makapag salita. “Marahil ngayon ay naiintindihan mo na kung bakit ako bumalik rito.”
“T-Tungkol nga pala riyan, hindi ba’t hindi naman nababagay ang isang tulad ko sa isang magaling na babaylan na tulad mo? Hindi naman lingid sa ating dalawa na sa maraming taon kong pagsasanay kay lola ay hi
