“Ang bilis naman ng oras!” inis na bulalas ni Isagani nang papauwi na sila pabalik sa templo. Bahagya niyang tinignan ang dalaga na abala sa pagkain sa inuwi nitong takoyaki na nabili nila sa daan pauwi. “Hindi ka pa ba busog sa kinain natin?”
Punong puno ang mga pisngi ni Eeya na mabilis na sinubo ang apat na takoyaki kahit mainit init pa ang mga ito. “Eh sa paobirto ko mga to eh!” aniya na halos hindi na maintindihan ng binata dahil sa pagsasalita nang puno ang bibig.
Halos mabulunan pa ito sa pagmamadaling malunok ang kanyang pagkain. “Siya nga pala, bago ko pa makalimutan.” Nilabas ni Eeya ang papel na may basbas na kanyang hinanda para gamitin kay Isagani nang maibalik niya ito sa maliit nitong anyo.
Ngunit nang itaas pa lamang iyon ni Eeya ay agad na lumapit si Isagani upang haw
