EPISODE 9
“Ma’am Lara, alam niyo na ba ang chismis tungkol sa Arison Empire? Nako! Bigla raw nagsialisan ang mga investors ng kompanya nang malaman na iyong kinikita nilang si Denver Arison ay isa palang impostor! Sino kaya ang nagpakalat ng tungkol doon na balita, Ma’am? Grabe naman!”
Napatigil ako sa aking ginagawa at nag-angat ng tingin kay Lily nang sabihin niya iyon sa akin. Kapag talaga may chismisan na nangyayari sa kompanya at sa ibang kumpanya ay present ang babaeng ‘to, eh, kaya pati ako ay marami na ring alam dahil sinasabi niya kaagad sa akin ang mga nasasagap niyang mga chismis sa paligid.
“Saan mo naman nalaman ang balitang ‘yan?” tanong ko sa kanya habang nakataas sa aking kilay.
“From a reliable source, Ma’am Lara! Sabi pa sa chismis ay wala na raw gustong mag inves
