EPISODE 14
RECOGNIZED
“Hmmm. Mukhang pumapag-ibig na talaga ulit itong best friend natin, Danica! Hindi pa nga nakakaalala si Damon pero may pa love quarrel na kaagad na nagaganap! Ibang klase talaga ang kamandag ng isang Lara Laureen Montenegro Miller! Ayieh! Sana all.”
Hinampas ko ng throw pillow ang pagmumukha ni Steven nang sabihin niya iyon. Tumawa naman siya nang malakas. Buti na lang talaga nasa labas ng bahay ngayon ang mga bata kasama ang mga yaya nila habang naglalaro. Sabado kasi ngayon at naisipan naming dumalaw dito sa pamamahay nila Steven at ni Danica. Dalawa na ang kanilang anak at one year lang din ang gap ng pangalawa nilang anak sa triplets ko.
Sinadya ko rin na pumunta rito para sabihin sana ang tungkol sa masakit na sinabi sa akin ni Adler kahapon, pero hindi ko p
