Apple's POV
KABADO ako habang nasa byahe kami papunta sa Caribbean sakay ng yate ni Beckham. Kasalukuyan akong nasa deck at pinagmamasdan ang malawak na karagatan, habang naaalala ko ang mga ibinilin sa akin ni Masod bago kami umalis ni Beckham.
"Ito na ang pagkakataon mo para masolo mo si Beckham. Ito na rin ang pagkakataon mo na magawa mo na ang plano."
Napatingin ako sa maliit na boteng inabot sa akin ni Masod. "Ipainom mo sa kanya yan o ihalo mo sa pagkain, minuto lang mamamatay na siya ng walang makakahinala sa'yo, basta huwag ka lang mag-iiwan ng ibidensya."
Hindi ko alam kung tatanggapin ko ba iyon o hindi. Dahil una sa lahat ay hindi ko kayang gawin ang gusto niyang ipagawa sa akin.
"Mukhang nagdadalawang isip ka, Apple?"
"H-hindi naman," pagsisinungaling ko at kinuha na ang
