QUEESZHA's P O V
" Nag- iisip ka na naman! " Untag ni Poli sa akin habang naka tingin sa malawak na dagat mabining dumadampi ang hangin sa aming balat. " Suot mo itong shawl para hindi ka lamigin at sipunin. " masuyong sambit pa niya at siya na mismo ang nag lagay ng scarf sa ulo at magkabilang balikat ko.
Hinawakan ko naman iyon para hindi tangayin ng hangin. At naramdaman kong umupo siya sa tabi ko sa nabuwal na puno ng buko sa tabi ng dalampasigan. Katatapos lamang naming kumain ng hapunan at pagkatapos ko ngang mag hugas ng pinggan ay lumabas na ako.
Ayaw pa nga nila akong pahintulutan na gumawa nang gawaing bahay, nag reklamo lang ako na babalik na sa San Felipe kaya pumayag na sila. Kapag nga sa araw ay sumasama pa akong mag- ani ng mga gulay sa bundok na dinadala naman sa palen
