Naudlot ang akmang paglalakad ni Proserpina patungong pantry ng Vasileía nang bigla na lamang humarang sa tapat niya si Leo. Nakangiti ito sa kanya at palakaibigan ang bukas ng mukha, subalit imbes na matuwa ay nagsisimula na siyang mailang dito. Hindi na siya komportable sa ginagawa nitong paglapit sa kanya sa kabila ng mga pagbabanta rito nina Hades at Lukas.
Leo wasn’t acting normal.
“Hi, Ms. Proserpina,” masigla nitong pagbati sa kanya. Kumaway pa ito.
Tensiyonadong napalingon si Proserpina sa CEO. Kasama niya si Hades, pero nauna lang siya ng ilang hakbang dito nang kausapin ito saglit ng Manager ng Finance na nakasalubong lang nila.
Tumahip ang dibdib niya nang makitang nakatingin din sa kanya at kay Leo si Hades, nagsalubong kaagad ang mga kilay nito. May sinasabi pa rito ang ka
