Halos mabasag ang bagang ni Hades habang nakatitig siya sa walang malay na pigura ni Proserpina sa ibabaw ng kama. Nasa ospital ito at may nakakabit nang suwero sa isa nitong kamay. Kanina ay nasa Emergency Room pa ito, pero ngayon ay nailipat na sa pribadong silid. Hindi matukoy ng mga doktor ang dahilan kung bakit hindi pa rin ito nagigising.
She wasn’t responding to all types of stimuli.
Ang sabi ng doktor ay gagawin ng mga ito ang lahat upang pag-aralan ang kundisyon ni Proserpina at tuklasin ang dahilan sa likod ng mahimbing na pagtulog ng dalaga.
Kung titignan si Proserpina ay para lang itong natutulog. Pero may terminolohiya ang medisina sa kalagayan nitong iyon—comatose.
Pina was in a coma.
“Boss, gusto mo bang umuwi muna ng mansiyon?” Kalkulado ang boses ni Morris, tinatan
