Pagpasok niya sa bahay ay hinanap kaagad ni Yana ang ina. Wala na ito sa komedor at sa sala. Alas dies na rin ng gabi kaya malamang ay patulog na ito. Tumuloy siya sa silid at kumatok nang mahina. Bago ito matulog ay nagdadasal muna. Kapag hindi siya nito pinagbuksan ay babalik na lang siya pagkatapos ng kalahating oras.
Pero bago pa man siya tumalikod ay bumukas na ang pinto ng silid ng mga magulang. Naka-pajama na ito pero may hawak pa itong telepono. Isang pilit na ngiti ang pinakawalan niya.
"Matutulog na ho kayo? Gusto ko ho sana kayong makausap sandali."
"Tumuloy ka." Ibinuka nito nang malaki ang pinto. Umupo siya sa kama habang iniisip kung paano sisimulan ang pagtatanong. Mahinahon lang magsalita ang Mama niya, hindi niya gustong siya pa ang magtaas ng boses dito.
"Bakit ho kas
