YOUR mother told me that you're applying for a job?" tanong ni Raji sa kanya nang magsimula silang kumain. Nasa kanan niya ito habang si Roniel ay nasa kaliwa. Gusto niyang itanong sa Mama niya kung bakit kasalo nila si Raji ngayon gayung family dinner ito. Isa pa, wala siyang ideya na close ang Mama niya kay Raji. Na-realize lang niya ang bagay na iyon nang ilang araw na pabalik-balik si Raji noong burol ng Papa niya hanggang sa mailibing. Ang Mama niya ang lagi nitong kausap dahil umiiwas talaga siyang makasalamuha ito.
"Sa BLFC niya gustong pumasok, Raji." Ang Mama niya ang sumagot na matamis ang ngiti sa dating boss ng Papa niya. Gusto niyang magtaas ng kilay dahil hindi naman totoong gusto niyang magtrabaho sa BLFC. Sa katunayan ay ayaw lang niyang makipagtalo sa ina kanina kaya napi
