Nasa meeting room na si Samir at ang asawa nitong si Gia, si Wael, at ang mag-inang Annie at Joshua nang dumating sila. Ngumiti si Raji sa lahat ng taong naroon, pati sa mag-ina. Mukhang kalmado naman ang lahat.
"Good morning again, everyone," panimula naman ni Samir. "We are here to talk about Auntie Annie and Joshua's newly acquired share of share of stocks."
"Tulad ng sinabi ko kanina, ginawa ko 'yun para kay Joshua, Samir!" depensa agad ni Annie.
"Ma..." Hinawakan ni Joshua ang braso ng ina. "You should have told me about this first."
"Para ano? Para pigilan ako? Hindi ko naman ninakaw ang perang ipinangbili ko dito ah, wala akong ninakaw sa kumpanya ng Papa mo. I paid everything. So, what's the big deal about it?"
"Pero hindi ko naman balak magtagal dito, 'Ma. In fact, I submitte
