Tulog na yata si Yana kaya't binuhat niya na at dinala sa silid nito. Totoo ngang nakatulog na ito habang nakaupo kanina sa silya dahil na rin sa maraming nainom. Matagala pa kasi silang nagkwentuhan nila Manny at Jonathan. Hindi tuloy niya alam kung ano ang gagawin ngayon dahil mahimbing na itong natutulog nang ihiga niya sa kama.
Umupo din siya sa kama at pinagmasdan ang magandang mukha ng babaeng pinipilit niyang huwag magustuhan pero ngayon ay pinakasalan pa niya dahil sa inis. Wala siya sa tamang pag-iisip dahil lasing siya. O lasing nga ba siya? Dahil kahit marami siyang nainom ay alam niya ang nangyayari. Hinalikan pa niya si Yana kanina nang i-announce na opisyal na silang mag-asawa. Hanggang ngayon ay nararamdaman pa niya ang matamis na halik na 'yun.
At wala nga talaga siyang
