KATATAPOS lang na-check ng isang eye-specialist ang mga mata niya at ma-interview ng mga doktor. May mga panahong nakakaaninag na siya pero bumabalik sa dati. Ikinatutuwa niya kahit paano na kapag nakakaaninag siya ay mas nagkakaroon ng linaw ang paningin niya kahit pa babalik ulit iyon sa dati na walang makita. Ang sabi ng mga doktor ay dadating din ang panahon na tuluyan siyang makakakita dahil wala silang nakitang problema nang dumaan siya sa mga tests.
Nakikinig lang siya sa pag-uusap ng mga taong nasa paligid niya. Ang sabi ng nurse ay puwede na silang lumabas ngayong araw.
"Binayaran na pala ng mga Burman ang bill natin sa ospital, mahal," mahinahong wika ng Mama niya kausap ang Papa niya. "Hindi pa rin ba tayo makikipag-ayos sa kanila?"
"Dapat lang naman na sila ang gumastos sa
