Hindi niya akalain na iyon na ang simula ng mas pagiging malapit nila sa isa't isa bagamat ramdam niya ang pag-iwas nito.
Naging todo ang pag-iwas nito sa kanya. Siya rin naman ay ganoon din ang ginagawa. Mahirap na kasing maulit muli ang nangyari. Ang ipinagtataka niya ay madalas na niya itong mahuli na nakatingin sa kanya pagkatapos ng nangyari. Nang una ay ipinagsasawalang bahala niya pero dumating din iyong time na talagang nakahalata na siya. Pakiramdam niya ay may gusto ito sa kanya. Nabanggit din kasi sa kanya ng ilang ka-buddy niya na napupuna na rin nila ang ikinikilos ni Ariella. Napatunayan niya iyon nang minsan na puntahan siya ni Monica, isa sa may-ari ng fruit stand sa bayan. Agad na lumapit ito sa kanya nang dadalhin niya ito sa kabilang dulo ng campo.
"Hoy, Fernandez, sa
