“Ready na ba lahat ng gamit mo?”
“Oo boss, ready na!” sagot ni Lanie
“Good. Kasi ang pa-despedida ko sa’yo e matindi. Tipong dalawang araw na, may hang over ka pa.”
“Hoy Eric, huwag kang bad influence. Nasaan ka na ba?”
“Aba, Lanie, andito na ako sa labas ninyo.”
Sumilip si Lanie sa bintana ng tinitirahan nitong bahay sa Laguna kung saan malapit sa planta na kaniyang pinagta-trabahuhan sa nakalipas na limang taon.
“Okay, labas na ako.” Mabilis na bumaba si Lanie dala ang kaniyang bag. Suot niya ang jacket na niregalo ni Eric noon sa school. Nang magkabati sila mula sa matinding tampuhan ay ibinalik itong muli ni Eric sa kaniya.
Sa Tagaytay ang punta nila at dahil sa lamig ng simoy ng hangin doon pagdating lalo sa hapon ay tiyak na giginawin na naman siya. Madalas siyang asarin ni E
