Bagong taon na. Nagsimulang magsibalik ang mga estudyante. Napakaraming mga pinagkakaabalahan ng graduating batch nina Lanie at Eric.
Pagdating ni Lanie sa boarding house ay nadatnan niya sa kaniyang kutson ang regalo ni Eric. Isa iyong jacket. Mula kasi na gawing airconditioned ang mga classrooms nila ay lagi siyang giniginaw. Lagi na lang din siya nitong pinapahiram ng jacket.
Nilabhan niya iyon para madala niya sa pagpasok sa darating na Lunes. Hindi niya ito nabati nang nakaraang pasko at bagong taon. Tuluyan na kasing bumigay ang cellphone niya. Itinabi na lang ni Lanie ang SIM card para muling magamit sakaling makabili siyang muli ng cellphone. Sa ngayon ay sa payphone na lang muna siya tatawag sa kaniyang nanay. Bukod kay Eric ay walang iba siyang tinatawagan.
Balik eskwela.
Ala
