"WHAT?! O, sige pupunta na ako. Mabuti nasa malapit lang ako." dali-dali kong isinilid sa bulsa ang cellphone ko. Tumawag si PJ nasa tambayan daw nila si Kurt at nagwawala sa hindi nila malaman na dahilan. Baka ako lang daw ang makakapigil.
Iniwan ko na ang cart na puno ng items dito sa supermarket. Plano ko sanang mamili ng ilang grocery items na dadalhin namin sa bahay sa Tagaytay habang hinihintay si Kurt.
Hirap man akong maglakad ng mabilis dahil sa tiyan kong may kalakihan na ngunit pinilit kong makalabas agad dito sa supermarket. Hindi ko na pinansin ang naramdaman kong bahagyang pagkirot ng lower belly ko dahil okupado ni Kurt ang isipan ko. Kagabi ko pa napapansin na iba ito at tila palaging nahuhulog sa malalim na pag-iisip.
Tiyak ngang may problema ito kung ganitong nagwawa,a
