FOUR YEARS LATER..
Kay bilis ng panahon. Tila kisap-mata lang ang nakalipas na apat na taon. Halos hindi ko namalayan. Tunay ngang hindi mo mamalayan ang bawat inog ng mundo kung puro kasiyahan lamang ang nararanasan.
Bumalik kami sa Pilipinas ng pamilya ko. Ako, si Kurt, si Brayden, at ang bunso naming si Helene upang ipagdiwang ang unang kaarawan ng bunso namin.
Binalikan namin ang bahay namin sa Tagaytay at doon piniling magdiwang kasama ang mga malalapit naming kaibigan. Matagal na rin kaming hindi nakabalik sa bansang ito at ngayon nga ay dalawang buwan kaming mamalagi dito habang bakasyon sa school si Brayden.
"Happy first birthday, baby Helene!" bati ng kararating lang na sina Kuya Jenrick at Pearl.
"Hello, baby!" sabi naman ni Pami na pilit tinitingala si Helene na buhat ko. "
