KINABUKASAN, nasa kalagitnaan ako ng pagsasalang ng labahin namin sa Automatic Washing Machine nang may mag-doorbell.
“Hubby? May tao yata sa labas!” Sigaw ko mula sa laundry area. Nasa sala naman ang mag-ama at nanonood ng TV si Brayden habang si Kurt ay abala sa laptop nito tungkol sa negosyo.
Narinig kong nagbukas ng main door si Kurt. Itinuloy ko na ang paglalagay ng mga maruruming damit sa washer. Nang matapos ay muli akong sumigaw. “Sino ‘yon, hubby?”
Naghintay ako ng ilang saglit sa sagot ni Kurt ngunit wala akong narinig na tugon. Nagtataka akong nag-set ng timer sa washer at lumabas na sa laundry area.
“May dumating ba, hubby?” Nadatnan kong nakaupo ng muli sa working table nito si Kurt at si Brayden ay abala pa rin sa panonood ng TV.
Bahagyang nakatungo si Kurt at tila may b
