Pag-gising ko kinabukasan, naka-amoy ako ng masarap na pagkain.
"Good morning, Wifey." bati sa akin ni Hubby at hinalikan ako sa pisngi. Nakatungo siya sa akin habang yakap ako.
"Kanina ka pa ba gising?" tanong ko matapos ko rin siyang batiin ng good morning.
"Yep. Nagpadala na din ako ng pagkain natin. Bangon ka na. Maligo at mamimili pa tayo." Wika ni Kurt na nanatiling nakayakap sa akin.
"Ay sya, alis ka dyan. Paano ako makakabangon kung para kang tuko na nakakapit sa akin." sabi ko na nandidilat ang mga mata.
Tumawa si Kurt. "Mamaya na lang pala. Ganito muna tayo." sabi niya. Mas humigpit ang yakap niya sa akin at ibinaon pa ang ulo sa may leeg ko.
Hinayaan ko ang gusto niya dahil ganoon rin ang gusto ko. Tahimik naming ninanamnam ang umaga habang hinahaplos ko ang buhok ni Kurt.
