I Own the Bad Boy's Heart

Chapter 11

Nang matapos ang klase ay si Iñigo pa ang unang lumabas ng pinto. Tiningnan niya ang wrist watch—it was 2:30 p.m.. Mabuti na lamang at tugma ang schedule niya kay Pennee kaya matutupad ang appointment niya rito.

"Iñigo, hintayin mo naman ako!"

Bumuntong-hininga si Iñigo pero hindi siya huminto sa paglalakad. Binagalan niya lamang nang kaunti upang makasunod ang babaeng literal na humahabol sa kanya. Hanggang ngayon, hindi niya lubos maisip kung bakit pinatulan niya ang kalokohan nito. Wala pa siyang isang linggo sa campus ngunit heto siya't may bago na namang babae. Mabuti na lamang at bago siya umalis sa US ay pormal siyang nakipag-break sa huling kasintahan o fling niya roon. Kahit naman hindi na niya mabilang ang mga babaeng dumaan sa kanyang buhay ay ni minsan ay hindi siya nagsabay-sabay.

Problem with him was his relationships with women usually lasted for more or less than five months. At sa mga relasyong iyon ay siya ang madalas na nakikipaghiwalay. The reason was he either felt toxic or bored.

Nadama na lang niya na kumapit si Vanessa sa kanyang baywang at sinabayan ang kanyang paglakad. Tila proud na proud ang dalaga na ipinapakita sa ibang tao na 'jowa' nito ang hot na newly transferred at ang bagong recruit sa sikat nilang basketball team na Alta Gracia Devils.

"Ikaw ha..." Vanessa said, panting. "Nakalimutan mo agad na may girlfriend ka na. Bakit ka ba nagmamadali?"

"Nakapangako kasi ako sa kapatid ko. Pagkatapos ng klase, kakain kami sa labas"

Halos malaglag ang panga ni Vanessa. Hindi niya batid ang pagkagulat kung dahil ba sa may kapatid pala si Iñigo o dahil sa inaalala pa nito ang kapatid, kung sino man ang tinutukoy nito.

"O-oh, wow. May kapatid ka pala dito sa school. So, susunduin mo pa pala siya? Nasa nursery ba or kinder?" curious na tanong ni Vanessa habang abala sa paglalapat ng kanyang mga daliri sa kamay ng binata. After she intertwined their fingers, she made their hands sway in the air.

"What? Nursery?" Hindi napigil ni Iñigo ang matawa. Mariin siyang umiling habang papasok sila sa main building. "She's already grade ten. But actually, she's not my sister. Pero close friends kasi ang parents namin kaya magkaibigan din kami. Childhood best friend ko kasi siya." Though he hated to explain about his personal life, ginawa na rin niya upang hindi na muli magtanong ang babaeng ito.

"I see." Mabagal na tumango si Vanessa. Lihim niyang itinatago ang pagkayamot. Hell, akala niya'y dahil sa mag-boyfriend na sila ni Iñigo ay masosolo na niya ito, o mati-take home ngayong araw. Ang dami pa namang masasaya at maruruming ideya na naglalaro sa kanyang isipan. Paniguradong magugustuhan ito ng binata at mas mahuhumaling ito sa kanya. Ngunit ang mga plano niya'y nasira dahil lamang sa isang tenth-grader. Ano ba si Iñigo, babysitter?

"Um, hindi ba puwede na ipasundo mo na lang siya?" Vanessa suggested. "Eh, kasi... baka mailang lang siya sa ating dalawa. You know that I like you a lot, don't you? At alam mo rin na hindi ko itinatago ang affection ko sa 'yo. Kaya kapag nakita niya na niyakap or hinalikan kita, baka ma-corrupt lang natin ang pure mind ng—"

"Hold on a sec, Vanessa." Bumitiw si Iñigo sa dalaga at tumigil din sa paglalakad. "I just wanted to clarify a few points with you before I get enraged and end anything between us before it even begins. Kaya ako pumayag sa gusto mo ay dahil ini-expect ko na magwo-work tayo. Na nariyan ka lang para mapasaya ako at vice versa. Pero kung ngayon pa lang ay kokontrahin mo ako at mag-uumpisang maging toxic, for the record, my relationship's span with you will be my shortest." His voice held some warning

Napalunok si Vanessa. Namula pa ang kanyang mukha dahil sa loob ng kanyang sistema ay biglang sumuot ang pagkalito at panic. Bakit napaka-exaggerated ng reaksyon ng kanyang kasintahan patungkol sa sinasabi nitong kababata? Ganoon ba ito kahalaga sa kanya? Hindi ba, siya dapat ang priority nito dahil siya ang girlfriend? Gusto man niyang mangatuwiran pa ay nagpahinuhod na lamang. "F-fine, sorry na." Hindi man niya ganap siya sang-ayon sa inilatag na arragement ng binata ay tinanggap niya... sa ngayon.

Hindi bale. Gagawin ko ang lahat para ako na ang pinaka-priority mo sa susunod. Na-convince nga kita agad na maging boyfriend ko. Mas marami pa akong magagawa para ako na lang lagi ang isipin at sundin mo.

***

Pakiramdam ni Pennee ay wala siyang gaanong naintindihan sa lecture ng guro. Mabuti na lamang ay regular discussion lang sila ngayon at hindi graded recitation. Kung nagkataon ay sa unang pagkakataon ay tumataginting na itlog ang magiging marka niya.

Kasalanan 'to ni Yigo! Nagngingitnit siya habang isinusuksok sa bag ang kanyang notebook. Isang minuto pa lang ang nakararaan nang lumabas ang kanilang guro. Bakit niya kailangang gawin 'yon kanina? Sobrang lakas naman ng loob niya? Paano kung lalo akong kantiyawan ng mga kaklase ko?

Ngunit hindi nangyari ang kinakatakot niya. Dahil pagkatapos ng klase ay tila nalimutan na ng mga ito ang ginawa ni Yigo. At si Scarlet naman ay hindi siya kinibo hanggang sa magdabog ito palabas ng pinto ngayon lang.

"Himala, ah," natatawang bulong ni Dolly at lumingon kay Pennee. "Tumitiklop din pala ang bruha na 'yon. Si Yigo mo lang pala ang katapat."

Halos magsalubong ang mga kilay ni Pennee. "Anong Yigo ko? Ikaw, kung ano-ano na naman ang sinasabi. Why don't you just keep your comments to yourself, Dolly? Hindi naman nakakatulong."

Narinig niyang tumawa lang ang kaibigan. Hanggang sa tumayo na ito bitbit ang bag. "High blood ka pa rin kahit wala nang mambu-bully sa 'yo? Naku naman, girl. Baka defense mechanism mo lang 'yan, ha. Kunwari naiinis ka sa ginawa ni 'Yigo mo' kanina. But deep inside, kinikilig ka dahil ang astig lang niya sa harap. Tama ba ako?"

"May tama ka na nga... sa ulo. Bahala ka kung ano ang gusto mong isipin. Pagod na akong mag-oppose," ani Pennee. Nakayuko siya habang sini-zipper ang bag pero nakaupo pa rin.

"Hay naku, tara na nga. Ili-libre na lang kita ng burger at float. Samantalahin mo nang galante ako ngayon kasi kabibigay lang ng allowance ko." Dolly winked.

"Thank you, girl. Pero next time na lang. May hinihintay pa kasi ako. Sabi niya, susunduin niya ako pagkatapos ng klase." Pagkasabi niyon ay biglang tinakpan ni Pennee ang kanyang bibig. Huli na upang bawiin ito dahil tumatalon na sa pagkakilig si Dolly.

"OMG, girl! Ang sweet naman talaga ng Yigo mong 'yan. Sige na nga. Mauuna na ako at may iba naman palang manlilibre sa 'yo." Isinukbit nito ang bag sa balikat at kumindat pa sa kanya bago umalis. Humirit pa ito ng isa. "Goodluck sa date with Yigo mo, ha!"